Wednesday, July 18, 2007

الجلّ ما بنفع

أنا من النوع اللي مستحيل أستيقظ صباحا بدون مساعدات بشريّة، ولازم بشرية لأني ما بصحى على صوت منبه أو شيء من هذا القبيل.
هذا بحكم العادة، لأني إذا كنت لحالي بالبيت لا إراديّا بتلاقيني قمت زيّ الأسد.

بسم الله:
مبارح أبوي (تأتي هنا بمعنى أبي أو بابا) بلّش يصحّيني (أتى الفعل هنا مضارعاً دلالة على الاستمرارية حيث يستغرق إيقاظي فترة لا تقل عن 30 دقيقة) حوالي الساعة 6 صباحا، لمّا صحيت، دار الحوار التالي:

أبوي: طيب والله الجلّ كويّس. (جل الشعر)
أنا: إيش؟؟؟؟
- يعني صارلك فترة بتستخدمو و ...
- طيب شو الموضوع؟؟؟
- ليش ما بنفع يعني؟
- ؟؟؟؟

استمرّ الحوار هيك وبالآخر اكتشفت إنو وهو بصحّيني حكيتلو: "الجل ما بنفع!!!"
اه، أنا بحكي وأنا نايم أحيانا، وبعدين هاي الجملة مش أغرب إشي حكيتو وأنا نايم، وعلى فكرة بحكي كمان باللغة الانجليزية وأنا نايم؛ أيام الجامعة كنت مرّات أحكي عن دراستي.

أرجو أخذ التالي بعين الاعتبار:
1. ما تستنتج من الجملة الاخيرة إني نيرد، لأني مش نيرد...
فاهم
2. أنا لا أعاني من أية أمراض نفسية وأنا على الاغلب سعيد بحياتي
3. أنا من السنة للسنة بحكي وأنا نايم الموضوع مش يومي
4. حاسس إني سبب في تخريب اللغة العربية، آسف

2 comments:

Qabbani said...

:)

تحياتي
و عادي الكلام اثناء النوم , لا يدل على شي مش كويس بالعكس يحكو انه منيح :)

Anonymous said...

أهلا يا قباني.
أنا برضو ما كنت متوقع إنوفيّ إشي مش منيح :)

انشالله يكون منيح