تبرّع بالدم

البارحة وأنا على رأس عملي في أمان الله، إذ بشخص "ما بعرف اسمو" من الإتش آر (هيومان ريسورس) بحكي إنو في زميل إلنا "ما بعرفو" بحاجة لوحدتين دم لأحد أقاربه.....
مين عندو استعداد يتبرّع "والحديث ما زال للشخص الأول" .

قام محمد الحشايكة "وهو زميل لي أعرفه وأعرف اسمه :)" تطوّع، أخوكم ما في ورا إشي تقريبا، قمت ودقّيت على صدري وحكيتلهم أنا بتبرّع!!!
والله وتبرّع مالك العمري "زميل آخر" إنو يوصلنا بسيارتو.
رحنا عالمستشفى الاسلامي وفحصنا دمنا، وتم قياس ضغطي خلال حوالي 4 ثواني!!!!
وأجا ممرّض مشان يغزّني الابرة، وصار يدوّر (يبحث) على الشريان أو الوريد ما بعرف "معلوماتي الطبية محدودة" المهم بلا طولة السيرة، لم يجدهُ.....
اخونا من باب إنو لازم يعمل إشي غزّني الابرة وين ما تيجي تيجي وصار يدوّر،،،،،،،،،،،،،،،،،،،،، بعد ما يئس طلّع الابرة، وأنا بدافع إنو ما تنهزّ ثقتو بحالو حكيتلو "معلش شرياني بغلّب دايما" مع إنها أول مرّة بتبرّع بالدم.
راح الممرّض "الشخص الذي يسبب المرض" ونادي انسان آخر، زبطت معو من أول مرّة، وسحبو من دمّي 315 غم.
دمائي فداءٌ للزملاء.


والسلام