Sunday, April 1, 2007

الله يجيرنا شرّ هالظحك

الزمان: دارت أحداث هذه القصة قبل ما يقارب الشهر.
المكان: في سرفيس ضاحية الحسين، متجها من دوار الحرمين (اشارة الكيلو سابقا) إلى وسط مدينة عمان.
الشخوص:
1. شفير سرفيس يبدو في التسعينات من عمره.
2. شاب مصري الجنسية.
3. رجل في نهاية الاربعينيات يظهر أنه موظف أمن خاص.
4. شاب ظهر فيما بعد أنه عاطل عن العمل.
5. محدثكم الكريم.

والله يا جماعة الخير، وأنا بستنّا بباص المؤسسة، أجا هالسرفيس بدّو يحمّل ركاب،... أنا بطلع بالباص لأنو بوصّلني للمجمع و من هناك بطلع بباص تاني للبيت، والسرفيس ما بوصل المجمع، بس بما إني ما بحب الروتين وبسبب سلبيات باص المؤسسة، حكيت لحالي: "يا ولد، امسك حالك واطلع بالسرفيس"، والله وهاضا اللي صار.
بعد ما مشينا أبو كيلو (تقريبا كيلومتر) بلّش الشفير يحكيلنا عن قصّة صارت معو.
القصة كانت بتضحّك وخصوصا الأسلوب اللي كان يروي فيه.
المهم، يا سيدي العزيز، طول ما الشفير بحكي بالقصّة واحنا فارطين ضحك، وحتّى بعد ما خلّص القصة تبادلنا الحديث ضاحكين منشكحين...
وأنا صرت أفكر: والله السرفيس أحسن من الباص، العدد بكون قليل وبنحي وبنتعرّف وبنضحك.
لسّاتني بفكّر بهالموضوع، واللي جنبي بحكو مع بعض و بضحكو، وإلا الشفير صار يتنحنح و "إحم ححححححححم...." والكل سكت، وتابع الشفير بلهجة جديّة جدا -زي أبصرمين بفلم أبصر إيش- : "الله يجيرنا شرّ هالظحك!!!"
طبعا بعد هيك الكل انسم بدنو وانخرس.

أنا بعمري ما سمعت إنو الضحك ممكن يسبب مصايب، شو هالعقليّة اللي عنّا هون؟؟؟؟

بس على كلّ، مالها باصات المؤسسة والله أحسن من أحسن سرفيس.... وبعدين أنا بدّيش أتعرّف على حدا

4 comments:

Anonymous said...

lol


3anjad 3indhom sawaleef to7fe marrat :D

7aki Fadi said...

LOL, my God this is funny...

Great post A7mad, 3anjad lazem troo7 3ala ilsarfees aktar to tell us more stories.

Ya ya ya ya Ahmad ya ya ya

طبعا بعد هيك الكل انسم بدنو وانخرس HA HA HA HA

7aki Fadi said...

وبعدين أنا بدّيش أتعرّف على حدا
HA HA HA HA...

Anonymous said...

Abed Hamdan: 3ala fekra, noss elsha3b el urdoni betsha2am min el de7ek :8
o gal leash e7na sha3eb neked...

7aki fadi: my psychological health is more important for me than blogging :)